في تسجيل مسرّب من قائد كتيبة البراء بن مالك الإسلاموية، يعترف المصباح بفراره من معركة ود مدني، كما اعترف بارتكابهم مذبحة مقتل أكثر من مئة من أبناء دارفور الذين اتهمتهم المخابرات بأنهم خلايا نائمة.
وكشف قائد كتيبة البراء الذي انتشرت له صور في مدن مختلفة وهو يحض المستنفرين على قتال الدعم السريع؛ عن افتقار القوات التي كانت تدافع عن مدني للذخائر، وأن عددهم قليل، وأنه لم يكن أمامهم شيء غير “الانسحاب التكتيكي”.
قائد كتيبة البراء بن مالك : الحاصل باختصار شديد
بنقول، الله اعلم ، مافي تحليل واضح ومافي رؤية واضحه بس بكل المقاييس وبكل الحسابات الحصل دا ماكان مفروض يحصل لكن قدر الله وماشاء فعل
انا كنت في هيئة العمليات في المقر بتاعم الي هو في شارع مدني في صالة المعلم مدرسة مدني الثانوية بنات الصاله متخذنها مقر للهيئة
والله ياجماعه بس داير اقول حاجات، هي حاره و واجعاني
والله والله انا عيني ماغمدت، اشهد الله اشهد الله العظيم من امبارح
ياجماعه انا اقسم بالله اقسم بالله شايل لي كلاش بدون خزنه، لقيت خزنه بعد خراج روح اقسم بالله مالقيت ذخيرة، اشهد الله شايل لي طلقه واحده والله والله والله العظيم بندقيتي فيها طلقه واحده يشهد الله
ذخيره مافي سلاح مافي اقسم بالله انا قاعد مع سيادتو اللبيب، اقسم بالله العظيم قاعد معاهم في نفس العنقريب الهو قاعد فيه والعميد ابراهيم ابزيد الناس دي قاعدين الناس دي فهمهم كمل ،
بعدين بدون اي مقدمات فجأة كده الساعه اربعه منتظرين السلاح والذخيرة الناس قاعده وكده اتفاجأنا بانو في مجموعه جات جاريه داخله علينا قالوا الناس ديل هجمونا ، وين ، نحنا زاتنا ماعارفين ، عنصر المباغته، يعني في شغل تقيل جوا مدني ياشباب، شغل الخلايا النايمه الكنا بنعتقد الناس نضفتوا يوم الجمعة والسبت دا ولا اي حاجه ، لانو والله الناس ديل جونا ،
انا والله يشهد الله وربنا يغفر لي ويتجاوز برحمته عني وعن اخواني المعاي ، اقسم بالله نحنا جرينا ونطينا السلك الشائك وتلبنا الشوك ومرقنا ، لانو ما كان في حاجه غير كدا قدامنا ، نحنا كلنا كنا ماتامين لينا عشره تمنيه انفار ، المجموعه الهاجمتنا بتواتر المجموعه هاجمتنا بدوشكات وعربات يعني ذخيره فجأة بدون اي مقدمات تلقاها في الاتجاهات فيك ، المسألة هي ما مسألة ثبات انا ماعندي مشكله في الثبات، الثبات دا الحمدلله والشكر لله مابورونا ليه ولا بقولو لينا ولو واحد مرق مرق لشنو كلكم بتعرفونا وبنعرفكم لكن بتبقي المشكله وين، انو انا شايل لي عكاز، هل حا اواجه بيهو دوشكا ؟ هل اواجه بيهو موتر يجيك من كل الاتجاهات ، والله ضربنا الأول الاتنين القدامنا اتقلبو ، الباقين نمش منهم وين
فيا اخوان والله لما المغرب اذن، انا واحد من الناس جدعت بندقيتي اقسم بالله دخلتها في تركتر بابور قديم هكر، فصلت الخزنه من الكلاش ومشيت، والزيي كتار ، دخلت في نص المواطنين، انسحبت انساب تكتيكي لحدي ما وصلت اقرب بمسجد في حي المنيرة صليت فيه وبعديها طلعت اتوجهت بي كري لحدي مالقيت حاجه وصلتني لمنطقه اسمها الشكابه في شارع سنار اولادي اصلا هناك وعربيتي كنت موقفا هناك فاضطريت مشيت وصلت اولادي سقتهم وطلعت بيهم علي اساس انو امنهم لانو الشكابه زاته.. الناس ديل استباحوا مدني تماما
الناس ديل لحدي الساعه تمنيه ونص ولا تسعه مساء ماخلوا حاجه في مدني ماعملوا ماخلوا حته مادخلوها كل المحلات التجارية اتكسرت
فيا اخوان والله غير الدعاء غير الدعاء مافي شيئ بحلنا ، وبعدين مانكذب، مانغش علي نفسنا ، الرسائل البتجي دي معظمها بتاعت قحاته ، يعني مدني نهاية الجنجويد وما عارف الف مقاتل ، ياجماعه اقسم بالله العظيم امبارح مالاقين ذخيره و مالاقين سلاح ، حايكاتلوا بشنو ؟
تلاته الف مستنفر ماقدروا يسلحوهم ، والله الاتسلحوا مافايتين ليهم خمسميه ولا تلتميه ، عندك واحد واربعين الف مستنفر ، وين
ياجماعه الموضوع محتاج وقفه، والوقفه دي الا يوقفها ربنا سبحانه وتعالى
الناس القاعده دي والله مافيهم زول بوقف ، وماتزعلوا من كلامي دا
نتوجه الى الله سبحانه وتعالى بالدعاء ونلح، ان الله يحب العبد الملحاح في الدعاء
كلامي دا ما كلام استياء كلامي دا كلام واقع ، اسأل الله يصلح الحال
المصدر: الراكوبة